Lei begudas

« Uèi, lo tèma de l’emission es… »

E òc, avèm l’astre de poder faire una emission de radiò un còp per mes ambe lo Ben-Ben que s’ocupa de nautres “leis estudiants de segonda annada d’occitan de la Fac Pau Valèri!”.

E tot aquò gràcia a la Melania :)

Nòstra emission sus lei begudas passarà dimècres 23 de febrier a tres oras e mièja la tantossada, es a dire deman!!!

Per lei qu’auràn pas lo temps de nos escotar, vau vos presentar una seria de libres que tròbe ben per faire vostrei begudas vòstras! 

Bòn, lei libres son en francés mai degun es perfiech... 

Es la colleccion « Petits Bonheurs Maison » de Marie-Françoise Delarozière et Chantal James ais edicion Edisud.

Ieu n’ai tres, enfin ma maire n'a tres... : 

Plasers sens alcòl

Vins, aperitius maison

Liquors de l’armari

Chasque exemplar es un libre polit e sembla a un quaièrn vòstre de per sei dessenhs e sa grafia d’estile manescrich.

Vau vos balhar la recèpta qu'ai causida per vautres, per que òc,

"Avèm tastat per vautres!"

Dins Plasers sens alcòl, vos ai trobat un cocktail "lendeman de fèsta" que nos ven de Martinica. Aquò se beu au revelh, de segur :

• Una dòsi de jus de manga
• Una dòsi de jus de carròta
• Una dòsi de jus d’arange

Fau bolegar tot aquò e m'o saupretz a dire... A ben lèu :)